SHËN TARCISI
mbrojtësi i ministrantëve dhe i ministranteve

 

Tarcisi që nga fëmijëria qe mistrant. Jetoi në shekullin e tetë. Prej atëherë kaloi shumë kohë, pra nuk mund të dimë edhe aq sakt për jetën e tij. Ipeshkvi i Romës me emrin Damask në një epigram tregon se Tarcisi u vra nga paganët kur ata donin të ia rrëmbenin bukën eukaristike që barte me vete për t’ua dërguar të sëmurëve. Sipas gjasave qe vrarë me gurë porsi shën Shtjefni,  martiri i parë. Tarcisi qe akolit (lexues i ligjshëm në mbledhjen e shenjtërve, besimtarëve të parë) për të cilin mendohet që u vra më 15 gusht të vitit 257 në kohën kur Deciu, mbreti i Romës, ndërmori një përndjekje kundrejt të krishterëve që mblidheshin së bashku për të kremtuar Eukaristinë, për t’u lutur dhe pritur Ardhjen e dytë të Jezusit.

 

Prej burimeve të hershme dimë se Tarcisi kur ende ishte djalosh i ri, ende pa qenë 12-vjeçar, humbi prindërit. Pra, u detyrua të jetojë tek daja i vet, i cili kishte mjaft pasuri, por ende ishte pagan, ende nuk e kishte njohur Lajmin e gëzueshëm. Një voglosh jetim qe thirrur të jetojë në mesin e paganëve që të dëftojë të vërtetën e fesë. Një ditë qe i ngarkuar nga bashkësia t’ua dërgonte të sëmurëve Eukaristinë të cilën e kishte fshehur nën petkat e veta. Por papritmas rrugës u hetua nga disa ushtarë paganë se ai fshihte diç nën petkat e veta. Por Tarcisi nuk dëshironte që të plotësonte kurreshtjen e njerëzve që hasi në rrugë e të ua tregojë Begatinë e çmueshme që bartte me vete. Kështu ra viktimë e Eukaristisë së tejetshenjte dhe vdiq si dëshmitar i fesë. Ai numërohet në turmën e martirëve. Varri i tij gjendet në Katakombet e Kalikstit në Via Appia Antica në Romë.

Në figura paraqitet rregullisht si djaloç i ri me aureolën e shenjtit si diakon me psalme, gurë dhe hostje. Pasi kremtohet më 15 gusht, dita kur kremtohet edhe Ngritja e Zojës në Qiell, festa e tij është zbehur. Por pa mëdyshje edhe sot e kësaj dite mund të shërbejë si shëmbëlltyrë për t’iu përgjigjur thirrjes së përhapjes së Ungjillit të Krishtit.

Kur kremtohet Mesha në përkujtimin e tij ngjyra liturgjike është e kuqe.

Domethënia e emrit të tij: Guximtar, Trimosh.

Është shenjt mbrojtës i shërbyesve dhe shërbyeseve te altari.

Eshtrat e tij (reliktet) gjenden në Romë.

Mos harroni! Festa e tij me 15 gusht!